Sosial şəbəkə tərəfindən aparılan araşdırmalar nəticəsində növbəti saxta kosmetoloq ifşa edilib. Sosial şəbəkələrdə Dr.Pəri_Asgerova adı ilə kosmetoloji prosedurlar həyata keçirən bu şəxs haqqında ciddi qanunsuzluqlar aşkarlanıb.
Məlum olub ki, Pəri Əsgərova bioloji elmlər üzrə fəlsəfə doktorudur, lakin tibbi təhsili, sertifikasiyası və lisenziyası olmadan özünü kosmetoloq kimi təqdim edərək müxtəlif tibbi prosedurlar həyata keçirir. O, "bədən şəkilləndirmə", "dodaq dolğusu" və digər invaziv kosmetoloji əməliyyatlarla məşğul olur. Ən dəhşətlisi isə budur ki, bu cür prosedurlar tibbi bilik və ixtisas tələb edir, səhv tətbiq edildikdə insan sağlamlığına ciddi ziyan vura bilər.
Araşdırmalar nəticəsində Pəri Əsgərovanın “Say Klinik Mərkəzi”ndə fəaliyyət göstərdiyi müəyyən edilib. Qanunsuz fəaliyyət göstərən bu şəxsin insan sağlamlığını təhlükəyə atması ciddi narahatlıq doğurur.
İnanırıq ki, Səhiyyə Nazirliyi və aidiyyəti qurumlar bu məsələyə dərhal müdaxilə edəcək, araşdırmalar aparılacaq və saxta kosmetoloqlara qarşı daha sərt tədbirlər görüləcək.
Bakunews.az olaraq bu cür qanunsuz fəaliyyətlərlə mübarizəmizi davam etdiririk və vətəndaşları diqqətli olmağa çağırırıq!
@sehiyyegovaz @prokurorluq
