Rusiya Dövlət Dumasının deputatları aşağı palataya miqrantların seksual xarakterli zorakılıq hərəkətlərinə və ya cinsi xarakterli hərəkətlərə məcbur edilməsinə görə Rusiya vətəndaşlığından məhrum edilməsini təklif edən qanun layihəsi təqdim edəcəklər.
BAKU.WS xəbər verir ki, bu barədə “RİA Novosti” məlumat yayıb.
Müvafiq qanun layihəsi, törədilməsi Rusiya pasportundan məhrum edilməsinə səbəb olan cinayətlərin siyahısını genişləndirməyi təklif edir.
Layihədə həmçinin dövlət məmuruna qarşı həyata qəsd və zorakılıq tətbiq edən Rusiya vətəndaşlarının vətəndaşlıqdan məhrum edilməsi təklif edilir.
Qanun layihəsinin müəllifi, deputat Sergey Mironovun sözlərinə görə, Rusiyanın bir sıra şəhərlərində miqrant qorxusundan qadınlar axşam saatlarında küçəyə çıxmaqdan qorxurlar.
İndi əcnəbilər terrorçu və ekstremist xarakterli cinayətlərə, girov götürməyə, qanunsuz silahlı qrup yaratmağa, habelə Rusiya Silahlı Qüvvələri haqqında yalan məlumat yaymağa, təxribat, casusluq və yüksək cinayətlər törətməyə görə əldə etdikləri Rusiya vətəndaşlığını itirə bilərlər.
